إزاي تعامل البنات و خصوصا المصريات

الواحد لما عزم علي نشر الموضوع هنا في المنتدي فكر في أن الموضوع ده ممكن يعمل له مشاكل .. هو ده إحساسي و انا جايب لكم الموضوع ده بصراحة .. لأنه مش سهل و ممكن يسبب بلبلة جامدة جدا,و كمان لأنه قد يهدد حياتي بالخطر عشان البنات المصريات موجودين في كل حته .. ( إنهم بيننا ) زي ما بيقولوا في أفلام الرعب !!

لكن في الاخر قلت أتوكل علي الله و أنشرالموضوع و أمري لله.. كله في سبيل حرية الرأي والتعبير و إظهار الحقيقة الـ... ( بلاش نقول العارية عشان محدش يفهمني غلط !)



بعد ما شفنا البنات بيتعاملوا معانا ازاي يا شباب.. لازم نعد العدة و نتعامل معاهم بنفس الأسلوب.. خد الحلول دي و ظبط نفسك :


الحل الأول : المساواة ..في الظلم عدل !!

زمان كانت الست المصرية بتحارب عشان حقوقها .. دلوقتي لولا الكسوف بس كان الرجال عملوا جمعية لمناصرة حقوق الراجل.. مش كده ؟؟

لاحظ كده لو كنت بتركب المترو أو الأوتوبيس .. سيب بس أي بنت حلوة لابسة ستوماك بادي تدخل و شوف إيه اللي هايحصل.. هاتلاقي شاب كده هلهولة عامل جنتل مان راح قايم و مقعدها مكانه .. و غالبا البنت هاتنزل آخر الخط و مش هاتقوم , عشان تخليه واقف أطول فترة ممكنة !

النصيحة التي أتحمل مسئوليتها الكاملة هي : لو لقيت بنت حلوة عايشة الدور, داخله المواصلة اللي انت راكبها إياك تقوم و تقعدها مكانك.. أولا : صحتها أحسن من صحتك ميت مرة ( بطل السجاير و الحشيش بقى عيب انت كبرت!) و ثانيا : هي مش من بقيت أهلك ( لو اختك أو خطيبتك اللي داخلة ماتستهبلش يعني !), و ثالثا : لو عامل كده عشان تبين لها انك واد جنتل يعني و حنين , فاعرف إنها مش هاتخليك تتعرف عليها يا ناصح حتى لو عملت لها قرد..يعني هاتبقى قمت ووجعت رجلك ع الفاضي.. و مش هتاخد ثواب كمان عشان نيتك غالبا مش كويسة ! رابعا: البنت دي مش كبيرة في السن بالعكس دي شابة زيادة عن اللزوم زي م أنت شايف.. تقوم ليه بقى ؟؟ طيب لو هي اللي قاعدة و انت اللي داخل كانت هاتقوم لك ؟؟

المفروض تقوم و تقعد البنت اللي واقفة في الحالات دي :

لو لقيتها بنت غلبانه أو بنت محترمة- زي بنات منتدي تربيه طبعا (حلوة التثبيتة دي مش كده ) - أو فتاه عاملة أو ست كبيرة , يبقى لازم تقوم لها طبعا مش عايزة كلام.. لكن لو بنت من اياهم , تبقى شاب لامؤاخذة ,لو قعدتها مكانك !


الحل التاني : و لا تعبرهم !

سألت مرة بنت : " انتي بتلبسي ليه كده ؟"

اجابت : "عشان كده أشيك !"

ألحّيت في السؤال تاني عشان اعرف الإجابة الحقيقية ( رزالة بقى !) فقالت في النهاية بصراحة :

- "عشان الناس تبص عليا و أحس إن أنا حلوة....وكده يعني !"

شفت بقى يا معلم ؟ يعني البنت من دول عامله اللي هي عاملاه ده عشان كل ما انت تهتم بيها , سيادتها هاتتكيف و تنبسط أكتر.. و مش هاتعبرك برضه يا عم "الدون جوان"..!

أقول لك حاجه ؟

و لا تعبرها .. لو زميلتك عاملة كده يبقى احلقلها ميري يا معلم.. نفض لها وسيبها .. يعني لو بتكلمك و موبايلك رن, رد عليه و سيبها و امشي... لو واحدة ماشية في الشارع كده ,لا تبصلها و لا تعبرها ... كإنها هوا معدّي.. كإنها لاشئ عابر !

لعلمك الحركة دي بتجننهم جدا جدا فوق ما تتخيل .. لأن البنت من دول متعودة ان الناس بتطلب رضاها و معجبة بيها طول الوقت.. خلي كرامتك بقى تنقح عليك و نفض لها وش ..و لا تبصلها يا شقيق.. بيّن ان انت مش عبيط زي الناس التانية و ان الحركات دي ماتخيلش عليك..

هاتلاقيها اشتعلت نارا و اتفحمت.. أحسن .. تستاهل!

نصيحة أخيرة:
مايمكنك أن تطلبه من ولد,فلماذا تذل نفسك وتطلبه من بنت؟!!!!!

أي خدمة .. و في انتظار رد البنت المصرية.. هانشعللها نار هنا عدم المؤاخذة بقى.......
..و ربنا يستر !!


---------------------------------------------------------------------

رئيس قسم توقيف البنات عند حدهم

الكنج

محمد محسن
أي خدمه يا رجاله

أي خدعه يامان
وثانكس علي التوباك

[color=cyan]على فكره كلامك ده غلط يا أستاذ محمد محسن ومش كل البنات زى بعضها انا معاك ان الموضه اللى هوست الناس كلها دى مش حلوة بس زى ما فى الوحش فى الحلو برده وفى البنت المحترمه واللى محترم بيحترم نفسه أولاً

و أنتي بتقولي كده ليه يا عاشقه الأوهام هو انا قلتلك انك وحده منهم كل واحد أدري بنفسه
وبعدين أنتي زعلانه ليه مه انتي بتقولي في بنات كده و بنات مش كده
وياريت ما تكونيش زعلانه لأن أنا قلت نشعللها شويه مش نزعل من بعض
وثانكث علي التوباك وعلي مرورك يا عاشقه

على فكرة انا مش زعلانه وبعدين الحمد لله انا واثقه فى نفسى جداً وانا مش معترضه على كلامك شكلك فهمت الكلام غلط ياريت تفهم صح

يا رب تكوني مش زعلانه و بعدين إحنا كل بنات المنتدي اللي عندنا محترمين جدا
بس إحنا قلنا نهزر شويه ونضحك بدل ما المنتدي نايم كده عادي يعيني
ويارب ما تكونيش زعلانه مني يا عاشقه الأوهام

أتمني يا عاشقه الاوهام و الله و يا ستي حقك علينا
و البنات دي علي دماغنا

وثانكس علي مرورك يا أدمن

ههههههههههههههه
لا يا عاشقه ما تقلقيش
الصحه موجوده بس إحنا نلاقي البنات الحلوه اللي في الزمن الغريب ده
و اللي أنتي وحده منهم طبعا لحسن نضرب ههههههههههه
و ثانكس علي مرورك يا عسل

مشكورررررررررررررر جدا
عندك حق البنات اللي من الشكل ده ميستهلوش انك تعبرهم لانهم يتشبهو بالرجال في الملبس والافعال
علي فكرة انا بنت من ضمن البنات ومفروض انصرهم بس انا معاك في رايك

ثانكس يا جماعه علي مروركم

ثانكس علي مرورك يا مان
و يارب الموضوع يكون عجبك
عاوزين نشعللها ناااااااااااااار

بجد يا محمد يا محسن مواضيعك كلها ما تتقرئش
انا بنصحك ارجو ما تزعلشى
وحاول تعدل مواضيعك
مع تحياتى s3ed

ههههههههههههه
أنت ايه اللي مدخلك المنتدي بتاع الكبار ده يا سعيد عارف انا بتقول كده ليه
عشان مش فاهم الموضوع اصلا
المواضيع دي بتاعت الناس الكبار مش الصغيرين
اللي زيك
ههههههههههههههه
ارجو متزعلش
ههههههههههههه
و ثانكس جدا علي مرورك

ماشى يا محسن

انا صغير دا كل الى بنا سنة او اتنين
وبعدين الناس بتصغر فى نفسها مش بتكبر
وبعدين مش بعيد الصغير الى انته بتقول علية دة
يفهم احسن من واحد اكبر منه زيك مثلا
وبعدين فى مثل بيقول يوضع سرة فى اضعف خلقة
يا عم الكبير
براحة علينا شوية
مواضيعك
الجامددددددددددددددة كترت
هوة انته المدير
والا اية
؟؟؟؟؟؟؟؟؟؟؟؟

كلامك صح ميه ميه بس انت بتزودها اوي لما
بتقول مواضيعك ما تتقرأش
مش لازم تحترم الأكبر منك حتى لو كان اكبر منك بسنه وحده بس
و ياريت متزعلش مني
دا احنا بنا عيس وملح يا مان
ههههههههههههههههه
عيب عليك
و ثانكس علي مروورك