امك بتقولك ايه من ده يا نجم............
4 مشترك
منتدى كلية تربية المنصورة :: °؛¤ّ,¸¸,ّ¤؛°`°؛¤ّ,¸ القسم العام °؛¤ّ,¸¸,ّ¤؛°`°؛¤ّ,¸ :: منتدى الحوار العام
صفحة 1 من اصل 1
امك بتقولك ايه من ده يا نجم............
[size=16]صباحو اشطة على احلى اعضاء
و الله يا معلمين .... لو انت من المقهورين في الارض زيي مثلا
اكيد هتلاقي كلام من ده في كلام امك وابوك
و بعد السلام يحلى الكلام
* امشى جاتك مشش فى ركبك .
* جتها نيلة الى عايزة خلف تيجى تتفرج .
*ذاكر ياموكوس مش فالح غير فى الهيافه والكلام الفاضى.
* ربنا يرزقك بعيل يوريك اللي ورتهوني.
* هات كيس عيش وانت راجع.
* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .
* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.
* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).
*أوعا حد يضحك عليك ويقولك جرب السيجارة دي.
*ابقى ورينى مين حينفعك فى الاخر من شوية الصيع الى انت مشيلى وراهم .
* قوم اقرا لك كلمتين ينفعوك .
* وطي المدعوق ده شويه .
* انت فاكرنا نايمين على ودانا ؟
*لما ما ترضاش تاكل في البيت:طبعا مانت اتعودت علي اكل بره .
*ياريتك تحفظ دروسك زى مانت حافظ الاغانى.
* عيـــب ... لازم تحترم اللي أكبر منك .
* لو شفت خناقه ما لكش دعوة بيها .
* كريم دا عيل بايظ وماتمشيش معاه تاني .
* مين منى دي انتى كل يوم تصاحبي واحدة جديدة ؟.
* انته مبتكلش جزر ليه .. اجيبلك برتقانه. طب كل سلطه .
* يبني بأسلوبك ده مش هتعيش معاك واحده .
* قومي ساعدي امك ده اللي هيتجوزك أمه داعية عليه.
* اوعى حد غريب يديلك حاجه تاكلها و تشربها و تاخدها منه .
* يا ابني حرام عليك الى بتعمله فينا ده.
* انا سايبالكوا البيت وماشية ومش حتشوفوا وشي تاني .
* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
* وانت فاكر احنا مستنيين منك حاجه .
* المسلسل مش هينفعك ...قوم .
*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.
* كفايه رغي في التليفونات .
* كل على مهلك .. وامضغ كويس ... وما تكلش وانت واقف .. وكل من قدامك ما تحفش .
* اطفي التلفزيون وقوم ذاكر ولا و خش اوضتك .
* بلاش تمشى حافى البس شبشب وانته داخل الحمام .
* ما فيش مذاكرة على المزيكا .. وازاى بتذاكر و البتاع ده شغال جنبك .
* افرد ظهرك .
* لم شراباتك.
* ماتكلش فى ضوفرك.
* كنت فين لحد دلوقتى يا صايع.
* ماتتأخرش علشان عندك كلية بكرة بدرى.
* انا مش عارف انته طالع لمين.
* انا : ياماما بقه ايه ده ؟؟؟
ماما:مووو لمـا يــــــخدك .
* ادلعى ياهبة فى ايامك المهببة .
* ده منظر اودة بني آدم ، انت عايش فيها ازاي؟.
* هو انا الخدامه الى ابوكم جبهلكم .
* الى يطلع من الاوضه يطفى النور وراه .
*أبوك عندك أهو اتصرف معاه .
* اللي بيشيل قربه مخرومة بتخر عليه لوحده ..
* لو مش فاهم حاجه ارفع ايدك و قول للأستاذ مش فاهم .. متتكسفش .
* البس فنله قطن تحت ودفي سدرك ودخل التيشرت في بنطلون البيجامه وانته نايم .
* يأبنى المذاكره مابتخلص .... نفسى اشوفك مره ماسك كتاب.
* اعمل حسابك مش حندخلك جامعه خاصه.
* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .
* مالكش دعوة بالسياسة .. وماتمشيش في مظاهرات .و امشي جوا الحيط :d:d .
* احمد ربنا الاكل الى مش عجبك ده فى ناس مش لقينه .
* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .
* قومي سخني الأكل لأخوكي.
* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .
* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.
* و أخيرا ::
ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركذ والناس ماشيه حوليه فى الشارع )
[/size]
M7MD- عضو جديد لانج
- عدد المساهمات : 79
نقاط : 125
تاريخ التسجيل : 29/03/2010
العمر : 33
رد: امك بتقولك ايه من ده يا نجم............
ههههههههههههههههه
بعض الكلام بيتقال
هههههههههههههه
بعض الكلام بيتقال
هههههههههههههه
a@love@h- عضو بدأ يشتغل
- عدد المساهمات : 180
نقاط : 296
تاريخ التسجيل : 16/04/2010
العمر : 32
رد: امك بتقولك ايه من ده يا نجم............
أي خدميه يا لوف
و ثانكس علي مرورك
و ثانكس علي مرورك
M7MD- عضو جديد لانج
- عدد المساهمات : 79
نقاط : 125
تاريخ التسجيل : 29/03/2010
العمر : 33
رد: امك بتقولك ايه من ده يا نجم............
هههههههههههههههه
يعني احيانا
يعني احيانا
ALONE- عضو جديد لانج
- عدد المساهمات : 14
نقاط : 14
تاريخ التسجيل : 20/04/2010
العمر : 31
رد: امك بتقولك ايه من ده يا نجم............
هههههههههههههه
شكلك بتسمع الكلام ده كل يوم
الله يكون فى عونك يا محمد
ههههههههههههه
بجد تسلم ايدك
شكلك بتسمع الكلام ده كل يوم
الله يكون فى عونك يا محمد
ههههههههههههه
بجد تسلم ايدك
عاشقة الاوهام- عضو بدأ يشتغل
- عدد المساهمات : 101
نقاط : 119
تاريخ التسجيل : 30/03/2010
العمر : 32
رد: امك بتقولك ايه من ده يا نجم............
اية ياعم محمد الكلام الى انته بتقولة دة
احنا نسيب البيت تطلعلنا انته
هههههههههههههههههههه
كلامك كلة بيتقال
والى بيقول لأ
يبقى بيكدب
تقبل مرورى
s3ed
احنا نسيب البيت تطلعلنا انته
هههههههههههههههههههه
كلامك كلة بيتقال
والى بيقول لأ
يبقى بيكدب
تقبل مرورى
s3ed
????- زائر
رد: امك بتقولك ايه من ده يا نجم............
أشطه عليك يا سعيد
يلي رافع راسي دايما
حبيب قلبي
و ثانكس علي مرورك
و ثانكس علي مرور الون و عاشقع الأوهام
بس هو أنتي يا عاشقه مش بتسمعي الكلام ده ولا ايه
اصلك محسساني أنك مابتسمعيش الكلام ده خااااااااااالص
و يارب التوباك يكون عجبكم يا شباب
يلي رافع راسي دايما
حبيب قلبي
و ثانكس علي مرورك
و ثانكس علي مرور الون و عاشقع الأوهام
بس هو أنتي يا عاشقه مش بتسمعي الكلام ده ولا ايه
اصلك محسساني أنك مابتسمعيش الكلام ده خااااااااااالص
و يارب التوباك يكون عجبكم يا شباب
M7MD- عضو جديد لانج
- عدد المساهمات : 79
نقاط : 125
تاريخ التسجيل : 29/03/2010
العمر : 33
رد: امك بتقولك ايه من ده يا نجم............
ماشي يا حبي
و ثانكس علي مرورك
و ثانكس علي مرورك
M7MD- عضو جديد لانج
- عدد المساهمات : 79
نقاط : 125
تاريخ التسجيل : 29/03/2010
العمر : 33
منتدى كلية تربية المنصورة :: °؛¤ّ,¸¸,ّ¤؛°`°؛¤ّ,¸ القسم العام °؛¤ّ,¸¸,ّ¤؛°`°؛¤ّ,¸ :: منتدى الحوار العام
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى